Op 2 juli vond er een heel bijzonder evenement plaats in het Twentse decor van het Openluchtmuseum Ootmarsum. Voor de vierde keer werd daar het Twents Songfestival gehouden met Gert Jan Roesthuis als een even verrassende, maar ook breed gedragen winnaar. In het publiek zat ook onze ‘voormalige’ stadsdichter Freddy Mensink. Het publiek kon woorden aanleveren om de geboren Reutummer, maar inmiddels een bekende Siepel, inspiratie te geven om een gedicht over dit evenement te maken. De dikgedrukte woorden zijn door het publiek aangeleverd. Het resultaat is hieronder te lezen. Het woord resultaat klinkt koud en kil. En dus niet het juiste woord, want het is een ‘merakelse’ ode geworden aan dit Twents Songfestival. Een gedicht op zijn Ruutumse Mensinks en dat is alleen maar te waarderen. Leu, geniet er van.
TWENTS SONGFESTIVAL 2023….GLOEPENS MOOI !
Zunnagmerrag 2 juli was’t in Oatmössche écht te doan,
De meujte weard um ne het Openluchtmuseum te goan.
Zoluk vief honderd leu wann zo klook en deedn dat
Nou die hebt der wis en waarachtig gen spiet van had
HET TWENTS SONGFESTIVAL, ônnerwiel a vuur de vearde kear
Wat ’n talent, wat’n spektakel…….en wat ne gezellige sfear
Doar tusscher de ploogn, de vrootnheup en bie ’t onnerschoer
Host vear uur lang Nedersaksisch gezang en geouwehoer
Gen grômmelbuien en zölfs de zun zag ie vaak
En dan den keujerfrats Theo…… ieder woard gezellig en raak
Het huuske in’n bakspieker kreeg zelfs ne extra grote buurt
Dus vuur ne kleene of grote bosschôp kôj doar zo hen wönn’n stuurt
Elf merakels mooie leedkes kwammn verbie, de jury zettn zich schrap,
Gloepens mooi die Twentse teksten….echt onmeunig knap
En de begeleidingsband, watte topmuzikantn
Mangs met eegn arrangementn……die kearls wett‘ van wantn!
’n Moal wat ans dan nen mèrrag neuln of stiggeln,
Ik zag hier en doar zelfs nen troan ôwer kinnebakkn biggeln
Want völ leedkes brachn de bosschôp écht oawer
En ‘t publiek…..kats van’t rabat mangs, duur al den pôwer
Geneen hoofn’de den merrag teumig te zittn
Of woar oawer mekkern, of oawer te fittn
Gen doare flantuutn ammoal goad te pas
Vernemstig luustern met nen borrel in’t glas
As intermezzo ging’t met Toon en Frank verdan,
Mangs wa, aait nich, en hènig an
’n een’n met trekzak, ‘n anner op gitaar
Kunnighèd op de geveulige snaar.
De jury trök zich terug um te vergeliekn,
Nog gen mens ging-a n’hoes, of en brommers kiekn
Al man was beniejt….wel zol’t hem wunn’n
Want doar möj rechtervoart toch wa wat vuur kunn’n
De oetslag stemmn eigenlijk alman tevree
Gert Jan Roesthuis met de prachtsong SOL HÉ
“Loat goan” nog éénmoal dat prachtige leed
Kipp’nvel zo as dat zo mooi in de volksmond heet
Ik zag Hans genietn, de vuurzitter van’t spul
“Het was echt de meujste merrag, zonner flauwekul”
“Goad goan ammoal, hier ku’w verdan op bouwn”
“Wel dat nich vind möj appelweek ofhouwn”
Freddy Mensink, 2 juli 2023
