Zo ludiek als Freddy Mensink het stadsdichterschap van Ootmarsum aanvaardde met:
“En hoe mot het toch straks met mien Ruut’ms dialect?
Dat vuur mie aait vanzölf geet en zo lekker bekt.
Zo van ’t werk, ’t verk’n, en ’n Kuperberg.
Proat ik straks oawer wark, ’t vark’n en ’n Kuperbarg?”
zo innovatief sloot hij zijn poëtische periode af met een gedicht, waarin hij een nieuw werkwoord introduceerde:
“Ik ‘Ruutum’ gearn in Oatmössche.
Ik dórp gearn in de stad.
Dan kan’k zo mooi mie zölf wen.
In mien eegenwetse plat”
Nettie Aarnink, voorzitter Heemkunde Ootmarsum
Het laatste gedicht van stadsdichter Freddie Mensink is hieronder te lezen. Een prachtig slot van een mooie dichtperiode. Freddie wordt opgevolgd door Olga ter Haar en haar eerste gedicht als de nieuwe (derde) stadsdichter van Ootmarsum introduceren we zondag 20 september op deze site.
Ik “Reutum” gearn in Oatmössche…
Ik “Reutum” gearn in Oatmössche
Ik dôrp gearn in de stad
Dan kan’k zo mooi mie zölf wen
In mien eegenwetse plat
Want as ik duur de vuurduur goa
En op de fiets spring oawer’n berg
Dan geet d’r vaak zo’n röstgeveul
Bie mie duur been en merg!
Ok toen ik vrooger nen hoes hen fietsen
A’k wier kwam van ’t werk
Dan keek ik host aait nog wier um
…De kontoeren van de Reutummer kerk
Dan zee’k ze zo wier vuur mie
In de weer: de jonge sterken
En onze pestoar kreeg, a’w hannen slacht
Aait het beste stuk van’t verken
Ik “Reutum” gearn in Oatmössche
Ik dôrp gearn in de stad
Dan kan’k zo mooi mie zölf wen
In mien eegenwetse plat
Joa leu ik veul mie toch wa mangs
De Reutummer pin in de siepel
Nou dàt gef mooi een vast geveul
Bie mie (ex-Reutum-piepel)
Het doar doan zit mie in het blood
Ik bin nig kort vuur ’t gat
Wa mangs nen vrumden vogelaar
Ôk dat is heel apart!
Trouwens wat wus ik toch vroger van Oatmössche
Joa den berg, dat was aait nen hieln trap
Mer… Toch a’k der zo an terugdenk
Dan kompt de herinneringen rap
Want denk mer is an Op de Weegh
Of Smellink met de greuntekoar
En wat dach’n ie van Pim Silderhoes
Wat proat’n den kearl mangs doar!
En Steenmeijer kwam’t vlees opheuren
Waor-à ‘s annedaags met rond kwam veuren
Jôh… en Bökkers kwam met de melkkoar langs
Al die Siepels wann’n in Reutum gangs!
Nôn “Reutum” ik in Oatmössche
Doarp a 47 joar in de stad
Mer één ding dat is bleffen jôh
Mien eegenwetse plat!
Freddy Mensink, maart 2020
