Zaand, Zeep en Zoda was ’n Olnzels Twentstalig meziekgezelschop dat ’t leavenslecht zag in 1986. Het meest bekaend wörren wie deur nen 17-joarige riege van optredens op hemmelvoart bie cafe ’t Peuleke in Rossum. Ze hungen der bekaans met de been oet! Ok leu oet Oatmössche genoot’n van oons spöl’n.
Op dit café was ok de carnavalsschlager “De Sjikkerfrits” gebaseerd. Mer noa 24 joar boolteren, ha’w de proemen op en de meeste nötten wa getten en spölt.. Einde verhaal…
Nee, want één van oonze meest deurgeneaaiden anhangers hef ’t veur mekaar kreggen dat wie nog eenmoal de köp bie mekaar stekt en wat van oons loat´ hören.. Dit geet gebeuren op zundag´s nammedaagns 6 juli van 14.00 tot 18.00 uur in ´n hof van ´t Palthehoes in Olnzel. Ie kònt der veur niks in.
Doot bod!
Ken ie ze noch?? Op de foto Bowenste rie v.l.n.r Hans Sombekke, Edith Leusenkamp, Theo Kisteman, Machiel Everts.
